Emma Kauhi
1996
Ua hanau ia o Mrs. Kauhi a hanai ia hoi ma Kapaahu, i Puna, ma ka mokupuni o Hawaii. O keia mau moolelo nei, no kona wa kamalii i Kapaahu ia, mai ka makahiki 1916 a hiki i ka makahiki 1935. Ma hope mai o ia wa, ua haalele o Mrs. Kauhi ia Kapaahu a nee o ia i Hilo e noho ai, a laila, nee hou o ia i Honolulu, a nee hou akula i Kapalakiko, ma ka aina haole. I kona manawa i hoomaha ai mai ka hana, ua hoi mai o ia i Kapaahu a kukulu ia kona hale ma laila. Ma hope mai, i ka makahiki 1986, ua hu ka pele mai Klauea mai a uhi ia kona home me kona aina hanau, o Kapaahu. Ua auhee na poe o Kapaahu a pau a nee lakou i kahi e. Aole i pau ka hu ana o ka pele. Ke hu mau nei no hoi i keia wa nei. Oiai, ua auana hou ke kaheana o ka pele mai Kapaahu aku i kahi e. O ka makamua o kou lohe ana i keia mau moolelo na Mrs. Kauhi, o ia hoi kana hai moolelo ana ma kana papa i ao ai ma ke Kulanui o Hawaii ma Hilo nei, i ka makahiki 1989–90. O kona kulana ma keia kulanui nei, he manaleo. Ua hai moolelo o ia ia makou, na haumana o na papa olelo Hawaii, e hoike ia makou i ke ano o ka olelo a ke kanaka i hanai ia no ma loko o ka olelo Hawaii. No ko makou hoihoi loa i kana mau moolelo, ua noi au ia ia e hoopaa i kana mau moolelo i ka lipine, a ua ae mai o ia. He mau makahiki ko maua o Mrs. Kauhi hana ana e hoopau i ka hoopaa lipine ana a kakau i na moolelo e like me kana i olelo ai ma ka lipine. Ua kakoo ia ka maua hana i ka uku ia e ke komike no na mea Hawaii i hookumu ia ma ke Kulanui o Hawaii, o ia hoi ke Committee for the Preservation and Study of Hawaiian Art, Language and Culture. A eia ka hopena ma keia mau aoao ma lalo nei, na moolelo i kakau ia, me na lipine kekahi,i hiki ia oukou ke lohe i ka manaleo.
Read this work at the World Public Library (library card needed).