Iosua Toulemina Kamika
Ua oi aku ka makemake o ke kanaka e huli i kekahi hana ke ikeia ka hope, a me ka uku o ia hana, mamua o kona makemake, ke ike ole ia ia mau mea. No ia mea, ua akakaia, e ao oluolu ia na mea i kakauia iloka o keia buke a me na mea like, ke ikeia ka uku pono i loaa mai ai, mamua o ka oluolu ke ike ole ia. Ua maikai kela mea keia mea e like me kona hoolilo ana ia kakou i poe noho malie, a me ka pomaikai. Oia wale no ka maikai o ka ike a pau loa. Nolaila, he pono e ninau, pehea e hiki ai ko kakou ike i ka Mooolelo ke hoolilo ia kakou pela Pehea e waiwai ai keia ike Pehea e hoolilo ai keia ia kakou i poe noho malie, a i pomaikai hoi Ua ike paha keia ma keia ninau, Heaha ka Mooolelo O ka Moo—olelo, oia ka mea i hoakaka mai i na mea i hanaia e kanaka e like me kakou, o ka poe i ola i na manawa okoa, a me na wahi okoa, e hoopuni ana me na mea like iki, like loa paha, me na mea e hoopuni ana ia kakou. He kumu no ka hana a keia poe i hanai, e like me ke kumu no ka kakou hana ke noho like kakou me ia poe. O ka Moo-olelo ua like ia me he aniani la e hoike mai ana i ka hana a ke kanaka i hanai mamuli o kekahi kumu. Elia kekahi: Ua hoike mai ka Moo-olelo i ka hope o ia mau hana, ina he maikai, ina he ino, i loaa mai i ke kanaka, a i na kanaka paha e hana ana ia mau mea. Ano, heaha ka maikai o keia.
Read this work at the World Public Library (library card needed).