Department of Education
1995
Mai kona makahiki eono ua hele pinepine o Rangelug i ka holo kai me kona papa ma ka pae aina o Kalolina. Ua ao ia o ia i ke ano o ka nee ana o ka waa i ke kai. Ninau o ia i na ninau he nui e pili ana i na huihui hoku. Ua kuhikuhi kona papa i na huihui hoku he nui, aka, imi mau o Rangelug ia Mailap, ka Manu Nui. He mau eheu ma elua aoao o ka hoku malamalama nui loa ma ia Manu Nui. I ka piha ana ia Rangelug he umikumalima makahiki, maopopo ia ia ka hookele ana i ka waa, a kokua o ia i kona ohana i ke kalai ana i na waa. Hauoli ko Rangelug papa i ka hoihoi a me ka holomua o kana keiki kane. Makemake o ia e haawi i kona ike hookele waa ia Rangelug. I ka manawa i piha ai ia Rangelug he iwakalua makahiki, hookuu kona papa ia ia me ke kuleana hana. Ua ao ia o Rangelug i ka hookele ana ma o na hoku he nui ma na pae aina like ole. Ua ao mai o ia i ka hoomaopopo ana i ke ano o kona waa i na makani a me na au like ole. “Mai lalo mai o Mailap,” i olelo ai o ia, “e hele mai ana ka Moae a me ke kai ohu.” Ua ao mai o Rangelug e alakai i ka mea hookele me ka ohu ma hope ona a i ole ma ka aoao o ka waa i mau ai ke ala kai a lakou e holo ana. I kekahi mau manawa, ma hope o ka ua kikiao ua lana wale ka waa i ke ala kai, huli aku kona papa ia ia, “Ike oe i kahi o kakou e ku nei” Hiki anei ia oe ke hookele hou ma ke ala kai” Ua hele a kamaaina loa o Rangelug i ka lewa lani me he mea la, o kona kaiaulu no ia, a na Rangelug wale no i hookele i ka waa me ke kokua ole o kona papa. I kekahi la, ua olelo aku o Rangelug, “E papa, i kou manao, ua makaukau au e hookele hookahi i ka waa” Pane akula kona papa ia ia me ka ninau ana, “Ehia kanaka o oe, e Rangelug” Noonoo ihola o Rangelug, “Manao au he elua kanaka au,” i olelo ai o ia. “Aole oe i makaukau,” i olelo ai kona papa. E hoopaa oe ma mua o kou hookele hookahi ana i ka waa.”
Read this work at the World Public Library (library card needed).