H. Binamu
E ka Mea-heluhelu lokomaikai; aloha maikai oe. E nana maka oluolu mai i keia buke me he hoaaloha la. O keia Mooolelo Ekalesia, i kakau mua ia no ka La-hui-kanaka Hawaii, a i paiia hoi ma Lahainaluna, A. D. 1841, oia ka i hooponoponoia e ma ka makemake o "Ka Sosaieti Amerika Hoolaha Palapala" ka poe e pai mai-kai ana i keia Buke i unuhiia e ka nui mai loko ae o ka Mooolelo Ekalesia no na Kula a Kale A. Goderike i ka-kau ai. Ua hookomoia ka papa hou no "Na mea oloko." Ua hoomaopopoia e na olelo i maopopo lea ole i ka mea nana i hooponopono. Ua hoopokoleia e hoi kekahi mau olelo, ke pono iki ae pela. Ua hookomoia e no hoi na mea hou ke mahuahua e ka pono pela. Ua mahele nui ia no hoi ka papa niele loloa mua, a hoopiliia iho keia a me kela apana liilii i ka hopena o keia mokuna kela mokuna, i maopopo lea ai ka pili ana o na ninau i keia palena kela palena o na olelo hoike ma ka mooolelo. Ua hookomoia e no hoi na kii e hoakaka waleno i na mea i haiia e oloko. Ua okiokiia ka Mokuna walu loloa i hookahi hanere paha palena, i moakaka ke ano a me ka pili pono ana o kona papa niele. Ua haaleleia e na hua mua "M. I." no ka mea, he pono iki ae na hua mua M. H. a he pono lea ae na hua mua Latina A. D. (Ano Domini) I ka Makahiki o ka Haku ke ano, i maopopo lea i na Lahui-kanaka he nui wale. No-laila he pono ia no na Mooolelo, a me ka Baibala, a me na Palapala e ae. Ua hoomaopopoia e ma keia Buke, ke ano o keia ekale-sia kela ekalesia, ka lokomaikai, ka lokoino, ka pau-lele ia Kristo, ka hoomaau ia ia, na lala-hua pono, a me ka hua ino, he mea e naauao ai, a e hooikaika ai hoi i ka hana maikai na mea makemake e ike i ko ke Akua hoo-laha ana me ka hooko ana i kana Olelo Hemolele, a me kona malama ana i kona mau Ekalesia Kerisetiano.
Read this work at the World Public Library (library card needed).