Abraham Fornander
1996
He Alii nui o Lonoikamakahiki no ka mokupuni o Hawaii ma hope iho o ko Keawenuiaumi make ana; he kanaonokumamaha hanauna maia Wakea mai. O Keawenuiaumi kona makua kane, a o Kaihalawai kona makuahine; ma Napoopoo kona wahi i hanau ai, a ma laila no o ia i hanai ia ai a nui, e kona mau kahu, e Hauna laua me Loli, a me ka laua wahine o Kohenemonemo. I ko Lonoikamakahiki wa opiopio, oiai ua hoomaka ae kona noonoo ana, i ia manawa nana aela o Lonoikamakahiki, e kau ana na mea lealea a kona makua kane he nui ma loko o ka hale alii. Ike aela o ia e kau ana na ihe pahee. Nana loihi aela o ia, a liuliu, a laila, ninau akula o ia i kona mau kahu: “He aha keia mau mea loloa e kau nei i luna o ka hale”
Read this work at the World Public Library (library card needed).