Pelehonuamea Harman
E na makamaka o ka olelo makuahine mai Hawaii Nui Kuauli a i Niihau o ka Ua Naulu aloha pumehana kakou. Ke panee nei keia moolelo i mua o oukou, i mua o ka maka o na kanaka e kuupau nei i ka hooko i ka iini nui o kakou, o ia no ka hooikaika hou i ka olelo Hawaii. He mahele nui ia o ko kakou Mauli Ola Hawaii. Ma loko o keia moolelo i hoike ia ai kekahi ano kupono a kupono ole o ke kanaka ma ka wa kahiko. E maliu aku kakou i keia haawina, no ka mea, he mea no ia i pili i na kanaka o keia au nei o kakou. He moolelo o Keahiakahoe i pili i ka aina o Kaneohe. Ua paa mua he mana moolelo o Keahiakahoe ia Sterling laua o Summers, ma loko o ka laua palapala i hana ai e waiho ala ma ka Halehoikeike o Pihopa. Eia kekahi, ma loko o na puke o Place Names of Hawaii a me Sites of Oahu, ua loaa na pauku e wehewehe pokole ana i ka manao nui o ka moolelo. Ike ia no hoi kekahi mana o nei moolelo i loko o ka puke Na Wahi Pana O Koolaupoko. O ke kumu i loaa mai ai ka mana moolelo i pai ia ma keia puke, ua hoohui ia na mana moolelo i loaa, a ua unuhi a hakuloli ia ia mau moolelo e ka Hale Kuamoo, a o ia keia e lawe ia nei ia oukou no ka heluhelu walea ana.
Read this work at the World Public Library (library card needed).