M. Goldberg
O ka hoike ana aku i ke kulana o ka oihana koa i loaa i ke Duke o Welinetona a me Ilamuku Ne maloko o keia Buke, oia no kekahi o na haawina like i ao ia aku i na haumana maloko o na kula a puni ka honua nei. Aole wale no ko laua ao ana i ke koa i lilo ai laua i mea kaao nui ia! O ka loaa ana ia laua o na kulana kiekie loa iloko o ka aina! O ka loaa ana ia laua ka hanohano o ke alakai ana i ka miliona o na koa! A o ka laua mau hana wiwo ole maluna o na kahua kaua, oia ka haawina i ao ia ai lakou e koa a e wiwo ole, a no laua ke kaulana a kakou i lohe pinepine ai, a e paanaau nei hoi ma ka waha a me na moolelo o ko ke ao holookoa. Ua waiho ia no kekahi mau wahi e pili a.na ia Welineiona oiai oia ma Enelani, mamuli o ka haiki loa a piha e na aoao i hookaawale ia nona no kekahi mau moolelo e ae. O kekahi Buke nui okoa no ia ina ina kona moolelo wale no ka makemake, alaila, aole no e komo ana iloko o keia Buke, ma kahi no o ka elima haneri aoao a oi aku ke pau pono ka moolelo o kona mau la. Ua lawe ia mai ka hoopahaohao ia ana o Arona Hekana e ka Moi Aresetila a hoopuka pu ia aku no maloko o keia Buke hookahi. Aole he moeuhane io kana i ike ai ma kona a-ka, o ke kino maoli no ia o na mea kino ola a me na mea hanu ola imua o kona mau maka, a oia kau e olelo ae ma keia wahi—"Ka moeuhane pahaohao a Arona Hekana oiai oia e ala ana no; a o ka make hoi oiai oia e ola ana no." Ua pakui pu ia aku mahope o keia mau moolelo,—ka hoike o na Moeuhane, a o ka Buke Kilokilo; i hui pu ia me na helu malama, helu la Hawaii ma ka puka ana o ka mahina, helu hebedoma, a me na Ila ma ka ili o ke kanaka.
Read this work at the World Public Library (library card needed).