William Henery
1994
He wahi manao hoolauna keia no ka poe e heluhelu mai ana i keia mookaao i hooili ia mai ia kakou e na kupuna o Hawaii nei. Ua hanau ia mai ka mea nona keia moolelo, o ia hoi o Kaehuikimanoopuuloa, ma ke ano he mano, a ua kapa ia kona inoa ma muli o ka lauoho ehu o ke akua mano kaulana o Puuloa, o Kaahupahau. A ia oukou e heluehlu ana i keia mookaao no Kaehuiki a me kona mau hoaalii mano, e kupu mai ana paha he mau ninau no ua poe mano nei. No ka mea, ua kapa ia kona inoa ma muli o ka lauoho o kona kupunawahine o Kaahupahau, aka, he lauoho no anei ko ka mano A i ole ia, he mano ehu no ua akua wahine la He mookaao kahiko loa keia mai ka wa poliuliu mai o Hawaii nei, a ua lilo no paha keia moolelo nei i mookaao ma muli o ka aui ana o ke auo ka manawa. A no laila, he mau alii kino kanaka anei keia mau mano i ka wa e ola ana lakou A oiai hoi no na ohana mano lakou, i ka hoomanao ana o ko kakou poe kupuna ia lakou, ua hoomanao ia anei keia poe alii ma ke ano he mau mano maoli Aole kakou e hoole ana i ka manao he poe mano maoli no keia mau alii i loko o nei moolelo, a aole hoi e hoole ana i ka manao he poe alii kino kanaka i hoomanao ia ma ke ano he mau mano. Na oukou no ia koho, a e hiki ana paha ke lilo ia ninau he kumu kukakuka na oukou. No laila, eia mai ka mookaao no Kaehuikimanoopuulua, ke keiki a Kapukapu ma laua o Holei, na kiai pali o Panau i Puna. E hoonanea mai i keia mookaao mai ke au hanohano mai o ko kakou mau kupuna o Hawaii nei.
Read this work at the World Public Library (library card needed).