W. D. Alexander, Jr
Aia ma kekahi la malie lailai o ka malama o Mei, iloko boi o ke kan kupulau, e ku ana he kanaka opio a ui lua ole ma ka aoao akau o ua muliwai la o James, ma kahi he kanakolukumamalima mile mauka aku o ke kulanakauhale. Ma keia wahi a keia opio e ku nei, he wahi ponaha malaelae uuku wale no keia, oiai, ua nee papa. ka ululaau mao a maanei o ia wahi a kiei i ka muliwai. O ka opio e ku nei, me he la aole paha i kaupono aku kona mau makahiki i ka iwakalua, aka, iloko no nae o ia mau makahiki pokole ua lawa ia no ka hoolawa ana i kona mau io huki me na haawina o ka ikaika a me ka eleu. He helehelena kona i ane like loa me ko ke kaikamahine, ka palupalu o ka nanaina, me kona lauoho lelo loloa apiipii e kuwelu ana ma kona mau kipoohiwi, aka, o kona oiwi kino nae ua hoike mai i ka ikaika lua ole o kona mau lala. E ku ana oia malalo o kekahi wahi kumulaau uuku, me ka pu raifela ma kona aoao, a e momoe ana ma kahi koke i kona mau kapuai wawae he elua mau ilio hahai holoholona nunui a maikai lua ole ke nana aku, O ka aahu o ke kanaka opio, he aahu i maa i na kanaka hahai holoholona o ia mau la. He papale kapu lole ma kona poo, a he palule i hanaia mailoko mai o na pulupulu maikai loa a paa hoi, me ka lolewawae ili kia i hanaia a pilipono i na wawae mailuna o ka puhaka a hoea ilalo, me na pihipa nunui ma na aoao mawaho, a, ma na kapuai wawae, he kamaa ili holoholona i humuhumu maiau ia no ia hana, oiai, i ka wa a ka mea e komo ana ia mau kamaa, ua like no me he mea la aohe kamaa ma kona mau wawae i ka ua mea he oluolu me ka mama. I ua opio la e ku ana pela, me he la he hana paha ka kona naau e hana ana, aia hoi, ua hoohikileleia ae la oia mamuli o kona lohe ana aku i kekahi mea kuho, i ano like me he mapuna hoe la na kekahi mea hoe waapa. Ua hikilele pu ae la no hoi kana mau ilio aka, mamuli nae o kekahi hoailona mai ko laua kahu mai, ua pepe hou iho la laua ilalo. Me ka palanehe ua oloio aku la ka opio a komo aku la iloko o ka hihipea o na laau e nee papa ana ma ke kae o ka m
Read this work at the World Public Library (library card needed).