Nino Pino

MMINUZZA'GGHI



Muzzicùni chi non cala
Ghiuttuni amari pi migghiàra di bucchi
Ristatini chi sfàmanu a ccu pati
Mìsiri avanzi
Pi tanti mischini
Piattu di zzargàru, d'un ghiornu senza fini.
Scagghitti
Cu lagrimi e santu
Ntustati pi tant'anni
Pizzùdda d'un calvariu longu, chi parìa un distintu
Strincennu na manata i mminuzzàgghi
Un pugnu un ghiornu
Si livò: i macinò nte 'dita: i sbrizziò nta ll'aria
Fu com'un lévutu chi ribbugghi e spraia
Spisìddi chi signaru lu caminu.