Giuseppe Marco Calvino

Aloisi e la Bacicia

Juntu Aloisi da la Frini Sicula, 
Metti li manu ntra li vrachi e jacula: 
Poi cu na riverenza assai ridicula 
Ci dici: o bella donna sine macula, 
Eccu stu cori punciutu d'ardicula, 
Eccu sta facci comu na 'mbriacula, 
Vurria fari con Lei bacula-nsicula, 
Vurria chiavarla, pi dirla vernacula. 
Mi dici amuri... e dà, ssa nnappa sbracala, 
Sticchiu d'amuri... ed oh beati ocula 
Quae te viderunt!... dà... chi fai?... carvacala. 
Sta micnhia quantu n'asta di na specula 
Speru arrivata all'una e l'autra cocula 
'Ncarcariccilla per omnia secula. 
Lu patri D.n Duminicu, missiunaru di li bagasci
Di carità pilusa a lu misteriu, 
Eccu Minicu già missiunaru; 
E spera l'armi dati a lu virseriu, 
Strappaccilli a forza, anchi 'ntra l'ariu. 
Ecculu lestu, pitturutu, e seriu, 
Usannu a tempu di un linguaggiu variu 
Ed ora in duci modi, ora cu 'imperiu, 
Si teni a farfareddu in tafanariu. 
L'armi chi di la carni lu deliriu 
Purtava afflitti a l'eternu martoriu. 
Purtau santificati a lu matiriu. 
Ma cu qual arti ci sarva lo coriu? 
Chiudi li sticchi, ci grapi l'empiriu, 
E cumanna li cazzi in purgatoriu. 
Avvertimentu a Russu nellu spusarsi
Russuliddu lu meu, quannu ti 'ncucchj, 
Cu chissa pi cui mori e nni spiticchj, 
Di la finestra nu 'nni jetti cucchj, 
Si ti ci metti cu li sicchi micchj. 
Guardati sì di certi belli spicchj: 
Di ss'allampati fai bonu si scucchj: 
Chi chissi cu li soj salamalicchj, 
Ti formanu a la testa certi 'mprucchj. 
Sulu fattilla cu nuiautri vecchi 
(Fora di ssi donninnari spillacchi!) 
Cu nui chi semu di l'onuri specchi. 
La guardiremu nui cu tanti d'occhi... 
Chiam'a mia solu quannu ci la 'mpacchi. 
E ssa testa 'un farrà mancu pidocchi. 
A li decuriuni
Strati, teatri, orologia, campani, 
Lazzaretti, Casini, Campi santi, 
Licei, scoli normali, Iancastriani, 
Sunnu di 'na citati li gran vanti. 
E sirragghi, e mulini, e novi chiani, 
Quatri, libra, e gran statui di rignanti... 
Ma chi su?... si 'un pinsamu a li puttani, 
Si 'un fabbricamu chiddi lochi santi? 
Rispigghiativi, o cgran decuriuna, 
Nun mustrati chi siti senza cazzu, 
Ma cchiù tostu ch'aviti li cugghiuna. 
Faciti un locu 'nta Sicilia sulu, 
Unni futtennu in comudu pagghiazzu 
Lu cazzu scialaria 'nta sticchiu e culu. 
Mi sentu forti strinciri lu cori: 
'Na manu niura s'aggrava a lu pettu: 
Ed una vuci lamintusa, mori, 
Chi grida da dda fossa, eccu ti aspettu. 
Ssi spassi, ssi grannizzi, ssi tesori 
Da cà a un automu! 'un hannu nuddu effettu, 
E 'ntra st'abissu eternu di lu nenti, 
Nenti sarrai tu puru eternamenti. 
Sciala, mentri chi nn'hai, sciala ssu cori, 
Mentri chi ancora sbatti 'ntra lu pettu; 
Si speri autri piaciri, quannu mori, 
Guarda a mia, comu ammatula l'aspettu? 
Godi dunca ssi spassi, e ssi tesori, 
Mentri chi puoi gustarni di l'effettu, 
Godili tutti, 'unni lassari nenti, 
Si li lassi, li lassi eternamenti. 

FINE