Pich Censin

TRIER


*************


La stra l'è franch l'istessa dla Mosela,
ti 't deurme randa a mi e tò visage
's anlùmina dla pòca lus da fòra
con bin che chèich ës-cianch ëd cél seren
përtusa 'l seul ëd nìvole già s-ciasse.

Andoma giusta a Trier con la fiusa
che pròpi rivà là i s-ciaireroma
'd testimonianse clàssiche e cristian-e
che a cisso an tui sorprèisa e maravija,
e 'dcò la ca 'd col òm ch'l'era chërdusse
d'avèj trovà le ciav dla stòria uman-a.

Ma 'antan ti 't deurme e 'l fium a scor adasi
scasi an përson dël gél dla giornà crùa.