LUCIANO SOMMA

'O CIRENEO

* * *

Vinte secule fa' gia' cundannato,
Gesu' senza tene' cchiu' n'ombra 'e sciato
s'avviava a 'o calvario rassignato
pe' turna' n'ata vota 'mbraccia 'o pate.

E chi alluccava,chi sbatteva 'e mmane,
dicenno:<'A morte 'o nazzareno,'a mmorte!>
Trattavano a gesu' peggio 'e nu cane
mentre Maria chiagneva pe' sta sciorta.

'Mpruvvisamente n'ommo analfabeta
nu camapgnuolo bello,gruosso e forte,
fui cummannato 'e accunpagna' 'o prufeta
chi dice pe' sfutto' chi pe' cunforto.

Simone se chiammava e purtaie 'a Croce,
pesante e grossa 'e ligno staggiunato,
miez''a na folla 'e popolo feroce
stu cireneo pareva 'e di':Ch'e' stato?

Pecche' propri'io si ce sta' tanta ggente
aggia purta' sta croce e fa' 'o facchino?
Chesto sicuro le venette a mmente
strascennannese stanco p''o cammino.

Sta storia 'mpara ca nisciuno a 'o munno
se fide 'e suppurta' 'a Croce 'e n'ato
pircio' st'umanita' va sempe 'nfunno
sempe cchiu' sperza e sempe cchiu' dannata.