Eduardo de Filippo


'O PENZIERO 




E ca tu studie pe' cagnà''o penziero 
ca tiene ncap' a te- 
ca nun è cumm''o mio, 
ch'è ciente vote cchiù meglio d''o tuio- 
nun nce faie niente! 
Nce refunne 'a salute; 
e si te mpierre 
peggio pe' te: 
nce puo' perdere pure 'a dignità. 
Tu tiene nu penziero ch' è d''o tuio? 
Nun sarrà nu penziero ca fa luce, 
ma è sempe nu penziero: 
tienatillo cumm' è! 
Che nce vuo' fa' si nuie, 
ncopp' a sto munno, 
nascimmo c''o penziero fatto e buono?