"Tuuaatuaa i te orooro" 





He hohou rongo
. 
Tuuaatuuaa. I te orooro, i te oromea, i tukitukia ai koe, i taitaia ai koe, oi kiri Tangaroa. 
Tere te nuku nei, tere angaia. Tuutaria ki tenei maanuka, tuutaria ki teenei ngahoa. Kaapiti hono. 
Purua too taringa kia turi, kia hoi. Kei whakarongo koe ki te koorero iti. Ko te koorero iti, ko tahu-hunu, ko tahu-rere, ko te hau-aitu. 
Rere mai te maramara koi hopiri, koi hotau. Rere mai te mangamanga, koi hopiri, koi hotau. Torotika! E tuu te maota, hee! 
Tuutakina i te iwi. Tuutakina i te toto. Tuutakina i te kiko. Tuutakina i te uaua. Tuutakina kia uu. Tuutakina kia mau. 
Teenei te rangi ka tuutaki. Teenei te rangi ka ruruku. Teenei te papa ka wheuka. 
E Rangi e, awhitia. E Papa e, awhitia. Naau ka awhi, ka awhi. Naau ka aaka, ka aaka. Naau ka toro, ka toro. Tupu he toka whenua, tupu he toka Mata-te-raa. 
Na wai i hoomai? Na te pakanga i hoomai. Na te riri i hoomai. Na ngaa taangata i hoomai. I hoomai ki a wai? I hoomai ki te kikokiko. Kei te kikokiko, kei te tini honohono, he manawa ka irihia nei e Tuu-matauwenga. 
E Tuu-ka-riri, e Tuu-ka-nguha, e Tuu-ka-aaritarita! E tuu i te korikori, e tuu i te whetaa, e tuu i te whaiao, e tuu i te ao maarama. 
Ko maiea. Maiea ngaa atua. Maiea ngaa patu. Maiea ngaa taangata. Ko maiea. 
He Hohou Rongo.
Tuatua i te orooro i te oromea i tukitukia ai koe i aitaia ai koe Ooi Kiritangaroa: tere te nuku nei tere angaia tutaria ki tenei manuka, Tutaria ki teenei ngahoa kapiti hono. Purua to taringa kia turi kia hoi kei whakarongo koe ki te korero iti ko te korero iti ko tahu-hunu ko tahu-rere ko te hau-aitu. Rere mai te maramara koiho piri koiho tau, rere mai te mangamanga, koi ho piri, koi ho tau torotika e tu te maota hee;- 
tutakina i te iwi, tutakina i te toto tutakina i te Kiko tutakina i te uaua tutakina kia uu tutakina kia mau tenei te rangi ka tutaki tenei te rangi ka ruruku tenei te Papa ka weuka. e rangi e awitiia e papae awitiia nau kawi kawi nau ka aka ka aka nau ka toro ka toro, tupu he toka wenua tupu he toka mata-tera. na wai i ho mai na te Pakanga i ho mai, na te riri i ho mai, na nga tangata i ho mai, i ho mai kia wai i ho mai ki te kikokiko kei te kikokiko kei te tini honohono he manawa ka irihia nei e Tuu-matau wenga. e Tuukariri e Tuukanguha e tuu karitarita e tu i te korikori e tu i te wetaa e tu i te waiao e tu i te Aomarama ko mai ea, maiea nga atua, maiea nga patu, maiea nga tangata Ko Maieea.