JUNP'EEL TSIKBAL YO'OLAL ALUXO'OB 
Juntenak binen tsikbal tu yotoch yum Emiliano Canché tu kaaajil Oxkutskabe' ichil ya'ab tsikbalo'ob tu beetaje', k'aja'anten junp'éel ku ya'alik beya': 
Junp'éel k'injeake' binen meyaj ichil junp'éel kool yéete juntúul toot. Ti yano'on ichil le koolo' ts'o'ok tak k-chital wenwl te paselo'. Le oorako' tu beetik ke'el; ti'al ma' sen u'uyike' t-t'abaj k'a'ak ma' sen naach tu'ux yan k-k'aano'. Chéen ka tin wilaj u yokol te paselo' juntúul chan wíinik mi ka' náab u baakel, chaknuul yanik. tu nats'uba tu yiknal le k'áak'o' ka júup u k'íintik u mejen k'abo'ob. Tene ka ti wilaje', ma' peknajeni', tin tusaj in wenel. 
Ma' sáam ti lelo' ka ta' u yila' waa táan k.wenwl, ka suunaj te na k'áak'o' ka tu taasaj k-íich yáana k-k'aan, ka ts'o'ke' ka bin u k'íint u k'abo'ob. ku yilik táan u tu'upul le k'iich yan yáanal k-k'aano' ku ka taasik u laak'. 
Teene ma' in wojel ba'ax oora ka ook in wenel, ba'ale ka téek ajen ka taaal u píik'ile' le chan aluxo', ts'o'ok u bin. 
Máan yáabkach k'iino'ob bey u beetik le chan aluxo'. 
Ma túun junp'éel k'injeake' tin tsikbaltaj ti juntúul nojoch máak, ka tu ya'alaj tene' le bin le chan alux kin wiliko' leti' kaláantik le kool tu'ux k-meyajo', ba'ale, leti' chéen ich áak'ab ikil u ye'esikuba, tumen ti'al k'iine' táan bin u wenel. 
Bey tin yáa ilajil juntúul chan alux, ts'o'ok u ya'alik le nojoch máaka'.