Jul ichil xikín



Waldemar Noh Tzec




In ki'chkelem yum
xolikén uaye'
tu noj tiitz lak'in
xolikén uayé
tu noj tiitz chik'in
xolikén uayé
tu noj tiitz xamán
xolikén uayé
tu noj tiitz nojol
in ki'chkelem yum
xolikén uaye
tu nopj kan tiitz kab
xolikén uayé
tu noj kan tiiitz kaan
in ki'chkelem yum
xolikén uayé
chúmuk le k'ítíik nachan kaana
kin payal katiktech ka siten
u kex tin k'ubajtech
u taakaan yók'ot in puksz'k'al
ajulik ichil u xikín
a jújulik ichil ti xikín
nup'te'sojk'au
u taj xik'nal jul ˇk'
ichil u xikín
nup'te'x-tólok
u bátab xuna'anil aktun
ichil u xikín
nup'te'baj
u pan kanaan ta'akaan bei
ichil u xikín
nup'te'x-maján naj
u yama mek'xunaan pak'
in ki'chkelem yum
xolikén uayé
kin payal k'atiktech
jan jul baj a sáasil
ichil u xikín u yol
chan nup'te'soj k'au
ichil u xikín u yol
chan nup'te'x-tólok
ichil u xikín u yol 
chan nup'te'baj 
ichil u xikín u yoˇ 
chan nup'te'x-maján naj
in ki'chketem yum