Xook junp' éel
J-ELUTE', NOJOCH TSIKBALIMÁAK
Javier Gómez Navarrete
Ts'o'ok u k'uchul áak'ab, le yi'ij uje' ku sáaskuntik le kaajo, u kulul le che'obo' , yetel le nukuch tuunicho'obe'. 
J-Elut yéet u láak'o'obe' ku kutalo'ob yók'ol jun p'éel polok che' yaan aktáan ti' u naajil, u tia'al u tsikbalo'ob. 
J-Elute' ku naayik yóol tu láak'o'ob yéetel u ki'ki' tsikbal. 
Leti'e' nojoch tsikbalimáak, yojelt bix úuch ku béetal wíinik; ba'ax u yojlo'ob k ch'i'ibalil le úuchben maayao'obo. Ku tsolik bix úuch kaxanta'al Bakjalal, bix yaanik Tulum, yéet u láak' ya'abkach ba'alo'ob. 
J-Elute' biin u ki'imak kuns óol yéet u jats'uts tsikbal. 
Ko'otene'ex tul'aakle'ex utia'al a wu'uye'ex le ba'ax bin u tsikbalta'ale'; tumen je'ex J-Elute' utia'al le ki' ki' t'aane' mina'an túun u jeel.