An Amerika , Michel Lentz  
    Vu méngem Duerf goung ech hier, 
    Dat frësch am Grénge lait 
    Dohannen iw'rem grousse Mier 
    Sou wait fu mier, sou wait; 
    Do stét en aremt klinzecht Haus, 
    Eng Bänk virun der Dir, 
    Do brét eng Lann hir Blieder aus, 
    Mecht kille Schied derfir : 
    Refr.: 
    Wéi hun ech d'Hierz sou wéi ! 
    Get mir main Dach fu Stréi 
    A méngem Duerf erem, 
    Ech gin iech alles drem ! 
    . 
    Fu ménger Mamm fort goung ech hier; 
    Dé gudden Engel do, 
    Mat hirem Hierz gét iwer d'Mier 
    Si iweral mir no; 
    Op onser Bänk virun der Dir 
    Hu mir sou oft gesiess, 
    A koum ons d'Liewen däischter fir, 
    Mir hun et do fergiess: 
    . 
    Vu méngem Meedche gong ech hier 
    Wat soll d' léift Kand wuel man ? 
    'T fléit a Gedanken iwert d' Mier 
    A kuckt an d' Welt eran. 
    Op onser Bänk virun der Dir 
    Gouf d' Zäit ons keemol laang ; 
    D' Lann ganz eleng, déi wees wuerfir 
    Mir duer sin dreeme gaang. 
    . 
    Fun hinnen zwé fort goung ech hier, 
    Hunn néierens keng Rou; 
    An zënter zwëschen ons dat Mier, 
    Gin ech och nët méi frou; 
    Kënnt op der Bänk virun der Dir 
    Ech sëtzen eng Minutt 
    Bei hinnen zwé, da wär et mir 
    Op deser Welt rem gutt !