Giorgio Strehler e Fiorenzo Carpi

Ma mi



.o00o.


Serem in quatter col Padola, 
El Rodolfo, el Gaina e poeu mi: 
Quatter amis, quatter malnatt 
Vegnu su insemma, compagn di gatt. 
Emm fa la guera in Albania, 
Poeu su in montagna a ciapà ratt: 
Nagher, Todesch de la Wermacht, 
Mi fan morire domaa a pensagh! 
Poeu m'hann cataa in d'una imboscada: 
Pugnn e pesciad e 'na fusilada... 

Mami, ma mi, ma mi 
Quaranta dì, quaranta nott 
A San Vittor a ciapaa i bott, 
Dormì de can, pien de malann! 
Ma mi, ma mi, ma mi 
Quaranta dì, quaranta nott 
Sbattuu de su, sbattuuu de giò: 
Mi sont de quei che parlen no! 

El Commissari 'na mattina 
El me manda a ciamà lì per lì: 
«Noi siamo qui, non sente alcun», 
El me diseva, 'sto brutt teron; 
El me diseva «i tuoi compari 
Nui li pigliasse senza di te... 
Ma se parlasse, ti firmo qua 
Il tuo condono, la libertà. 
Fesso tu sei, se resti contento 
D'essere solo, chiuso qua dentro...». 

Mami, ma mi, ma mi 
Quaranta dì, quaranta nott 
A San Vittor a ciapaa i bott, 
Dormì de can, pien de malann! 
Ma mi, ma mi, ma mi 
Quaranta dì, quaranta nott 
Sbattuu de su, sbattuuu de giò: 
Mi sont de quei che parlen no! 

Sont saraa su in 'sta ratera 
Piena de nebbia, de frecc e de scur, 
Sotta a 'sti mur passen i tramm, 
Frecass e vita del me Milan. 
El coeur se streng, ven giò la sira, 
Me senti mal e stoo minga in pee, 
Cucciaa sul lett in d'on canton 
Me par de vess propri nissun! 
L'è pegg che in guera staa su la tera, 
La libertà la var 'na spiada!... 

Mami, ma mi, ma mi 
Quaranta dì, quaranta nott 
A San Vittor a ciapaa i bott, 
Dormì de can, pien de malann! 
Ma mi, ma mi, ma mi 
Quaranta dì, quaranta nott 
Sbattuu de su, sbattuuu de giò: 
Mi sont de quei che parlen no! 






Scritta da Giorgio Strehler e Fiorenzo Carpi per lo spettacolo teatrale "Milanin Milanun".