Paolo Sambo


da SCIROEU de MILAN



AD ANGELO MAGGIONI

Cont el soris e con la simpatia,
tì t'hee insegnaa, Maggion, a ciappà 'l mond a "scarpa larga", con filosofia,
smocciand i spigor, anca se rotond.

Giugatton, se occorreva, per rispond
al roseghin de la malinconia,
pront a dì pan al pan, senza sconfond, quand l'era el cas, la prosa e la poesia.

'Dess voeurom saludatt ancamò inscì, spall quader, coeur sincer, senza velen, la figura del scior, e quell bell fà
del milanes autentich de cattà,
come se te fudesset semper chì
tra soci e amis che te voreven ben.


Paolo Sambo,
cont i tò amis de semper