Hmoob Kev Ua Neeb
Tug sau: Stephen Moua

Hais txog Hmoob txoj kev ua neeb.
Xav txog xwb tsis pom qhov tseeb.
Txhua leej txhua tus ua.
Coj los teev dab teem qhua.
Tsawg zaug los hais tias muaj dab.
Yuav tau hu neeb los ua pab.
Ua tas los ua thiab.
Sawv daws thiaj yuav zoo siab.

Moob Lub Neej
Tug sau: Choua Thao

Ib paab Moob nyob peg toj roob
Kev ua qoob nqeg toj nqeg haav
Txuj kev taav thauj nyuj thauj neeg
Thaum yug nkeeg tsua moog tshaam zoov
Tua naag ncuav cuab yij cuab ntxab
Pob kws tshab ua ntxhuav lab vog
Moob xaav txug mas ncu txhua leej
Moob tshuab qeej u vawb, u vawb
Lub ntuj tsaus Moob lug sib paab
Naag lab qaab noj txiv maj khaum
Peb Moob nyob tua los tua tsi tsaug ob puab e

Ua Liaj Ua Teb
Tug sau: Ntxawg Vaj

Hais txog peb Hmoob txoj kev ua noj nyob pem toj roob.
Kev ua qoob ua loo nce toj nqis haav.
Tiv nag tiv tshav ua nplej pob kws.
Cog txiv lws dib taum thiab taub.
Ua teb zaub cog nej cog dos.
Hlav mos mos qab teb luag teb.
Tej qhov zeb qhov cav zaub tuaj ntsuab xiab.
Noj ywj siab tsis tshuav luag nuj.
Tsis nplua nuj los yeej tsis tuag.
Tsuav yus nquag ces yeej khwv tau.
Khwv tau ntau los tsis sau se.
Coj mus nce rau hauv tsoom fwv.
Hmoob sib twb ua qoob ua loo.
Npaj mus rau hauv lub xyoo tshiab.
Mas muaj siab kawg li tiag os Hmoob aw!

Nkauj Muam Nyob Kev Deb
Tug sau: Kab Vaaj

Cas kuv nim xav nrog koj nyob ntawm koj ib sab
Los kuv nim yog tus uas paub koj tom qab
Cas kuv nim xav nrog koj sawv ua ib pawg
Los kuv nim yog tus uas paub koj ua tus kawg

Peb twb txheeb nej los 
Tu siab ntau peb tsi tau nyob koom zej
Nej twg yog txheeb peb los peb nim 
Yog nkauj muam nyob rau txoj kev deb
Peb twb yog txheeb neej txheeb tsav 
Los peb nim yog nkauj muam nyob txoj kev dav

Kev lom zem peb muaj tsi tau txhua
Txawm ncaim lawm los tseem xav ntsoov
Hais tias yuav rov ntsib koj dua
Kuv tuaj pom koj ib vuag
Kuv ncaim lawm ces ntshe yuav nco nco koj 
Txog hnub rov qab tuaj cuag

Kuv ncaim koj mus lawm
Los thov koj nyob zoo
Sib ncaim zaum no
Los cia siab ntsoov tias 
Tseem yuav sib ntsib rau lwm xyoo
Os leej nus Hmoob

Ntxhais Nkauj Ntsuab Xyoo Tshiab
Tus sau: Suav Lis

Ntawm no mus yog lus paj huam
Hais cuam tshaum rau cov ntxhais nkauj ntsuab txhua tus
Nej yuav mus sib tw xyoo no
Kuv tseem nco xyoo cuaj caum tsib
Kuv tau ntsib ob tug hluas nkuaj
Pleev tis ncauj liab ploog zoo li poj ntxoog
Kuv nug npe tseem hais "I don't know"
Pleev tsis txaus tseem pleev dua thiab
Twb liab liab tseem tsis tau txaus
Muaj ob tug laus tseem los nrog nkawv tham
Hais tib yam li rau
Nkawv txawm npau ces khiav lawm
Hos hais txog ntawm cov ntxhais nkauj ntsuab
Tsis mloog niam txiv qhuab tis txawj hais lus
Muaj tej tus hais lus tsis meej
Yog tsis yeej ces chim dub nciab
Txawm tu siab rau tus txiav txim
Khwv tswv yim tsem yuav foob
Peb haiv Hmoob nyiam pab cov txheeb ze
Tsis hais tus me los tus loj
Yeej tseem coj li qub
Thaum sib ntxub tsis xav sib pom
Hmoob cov nom yeej coj nkaus
Lub hauv paus yog xav tau ntau tshaj
Thov pab txaj muag thiab mog Hmoob

Thov Hais Qhias Koj 
1. Auv peb tus Hmoob! Thov hais rau koj:
2. Peb taus thoj nam vam khom Thaib teb:
3. Peb ua lub neej nyob tsaus ntuj nti,
4. Peb tsoom tib neeg tuaj teb chaws Peb;
5. Tau muaj lus cia yuav coj peb mus
6. Peb yuav tau muab qhov zoo los coj 
Xyoo Txhiab Cuaj Pua Xya caum Tsib no,
Nyob nroog Nab-phoos, Noom-khais, Vib-nais;
Puas siab puas ntsws, pluag kwv nstuag tij.
Tau noj tau haus tseem coj yam phem.
Nyob lub teb chaws muaj noj muaj haus,
Niaj hnub los txhawb peb kev nyob noj. 
Peb Hmoob tawg rog nrog tsoom Los-tsuas
Kawv ua zej zos hauv luag rooj teb.
Vim qhov peb sib tawm tsam tawm tuaj
Leej hlob hais tias nws txhiaj li paub!
Muaj Zoo muaj qias tab sis yuav tsum
Tig siab los yuav txob ke tseeb meej. 
Tuaj nyob luag teb nrog lub kua muag;
Vam qhua hlub tuaj pub noj nrog saib
Txhiaj muaj ploj tuag nruab deg nru nqhuab.
Leej yau cam zoj, nws txhiaj to taub.
Ua zoo sib co thaum noj haus qaug
Peg txhiaj yuav ntsib txoj ke vam meej. 
Tau tso teb chaws, kwv tij neej tsa,
Peb txhiabj tau ri poob nyob thoob ntuj:
Txawm tshwm dim tuaj nrog poj tub se,
Tsis mloog sib hais, nyias yuav nyias siab,
Yuav hnov qab txog peb txoj ke khwv,
Tig rov sib hlub, txhob ntshaw luag tug. 
Pluam plhuav lub neej rau tuaj tom qab.
Xws li Fav-kis, Me-li-kas teb,
Los tseem yuav tau ua tus txawj tiag,
Nyias tau nyias khav ua tus txawj tiag.
Khwv iab kom zam kev lwj tsw.
Txhiaj yuav ntsib tau txoj ke kaj lug, 


     Lub Tsiab Peb Caug





	Nco txog tom hav pas dej ntsiab
	Nqaij noj nyob saum nthab
	Nyuj nees muaj pws nkuaj
	Tsaus ntuaj npuas quaj
	Sawv ntxov twm nqov
	Twm zov qhov rooj tag
	Nquab ya qhov rooj txuas
	Saum roob, Hmoob nyob coob li coob
	Xeem Yaj muaj nto koob
	Xeem Lis muaj ntxhais soob
	Ib ncig lees tuaj saib
	Lwm lub zos tuaj peb dhia qaib
	Leej muaj o 
	Koj pov kuv txais
	Kuv pov koj hais
	Suab hlob suab yau los muaj
	Tim roob kab noog quaj 
	Kho siab siab yuav
	Me liab cuam quaj kho siab tebj....
	Leej muam tus siab dawb
	Nco txog tham ntuj dawb
	Ntuj rov tig tus

"Kwv Txhiaj Sib Hlub Sib Nco" 




Tawg paj qab lwg yaj txi txiv zoj zim qab lwg yas...Plees nkauj nraum tsav
ntaus zoo luaj twg los thaum ntej thaum ntxov ub koj nyob ib tog ntuj kuv
nyob niaj ib tog nras...


Tawg paj qab lwg yaj txi txiv qab lwg yuj...xyoo no daj dee tsis tau los
thaum ntej thaum ntxov ub koj nyob ib tog nras kuv nyob niaj ib tog ntuj...


Txog Poj Xob xyoo Poj Xob nroo, es yuav nroo tua nthwv ntiaj teb no tuj tus
ntoo nkoj...es xyoo no zoo niaj los zoo xyoo es li muab leej niam leej txiv
lub tsiab nraj nraum noj ncig yuj yeev rov los pom koj mog om...


Ntuj nes Nkauj Hmoob, tawg paj ua ntshua yaj es txi txiv zoj ua ntshua
niab...Plees nkauj nraum tshav ntaus muaj coob, los yog koj ib leej thiaj
li ntxim siab om Nkauj Hmoob...


Xyoo no tawg paj ua ntshua yaj, niam txi txiv ua ntshua ntshawv...es zoo
niaj los zoo xyoo es txiv leej tub ntoj taw qas lias tuaj txog ntua li yuav
daj dee tau niam leej ntxhais li koj tus ntxim plawv os Nkauj Hmoob om...


Txiv leej tub tias txooj xyoob txhawm nruab roob,  muaj ib ceg rawv nris
tuaj rau nram ia...yog kuv txiv leej tub daj dee tsis tau koj ces yuav ciaj
yuav tuag los kuv txiv leej tub yuav tsis tso koj cia...


Txooj xyoob txhawm nruab roob, muaj ib ceg rawv nris tuaj rau nraum
dej...yog kuv txiv leej tub daj dee tsis tau koj ces kuv txiv leej tub yuav
ciaj yuav tuag los kuv txiv leej tub yeej tsis tso koj tseg...


Chim laj xeeb xaus xi tuaj rau tim toj...yog kuv txiv leej tub ntaj ntsug
tuag tag, kuv txiv leej tub li rov los tos koj mog...




Tsis Xav Ncaim California

by 
Nplooj Siab Vol. I 
											


Kuv ncaim lawm mog tus kuv hlub
Thaum yuav ncaim koj kua muag teev yees
Yuav tseg koj nyob ib leeg kho siab
Lub siab quaj dhi xav ntsoov koj xwb
Tsis xav ncaim koj California
Kuv ncaim lawm mog kuv me nplooj siab
Xav ntsoov txog koj lub me ntsej muag
Luv cev lam ncaim nplooj siab nrog koj nyob
Yog wb sib ntsib hauv kev npau suav 
Cia ua chaw tshua California
Hauv kuv lub siab
Tsuas muaj koj xwb 
Cua tuaj ntxuj ntxiag kuv nco koj kawg
Cov lus hais tseg thov khaws cia mog
Kuv me Nkauj Hmoob puas nco kuv os
Nplooj siab yaj ntshis tseg tsis tau koj
Vim yog tshuav koj ua chaw dai siab
California tus neeg kuv hlub
Txoj kev sib hlub uas tau hais tseg
Puas yuav muaj tiag California

Kuv ncaim lawm mog kuv me nplooj siab
Xav ntsoov txog koj lub me ntsej muag
Luv cev lam ncaim nplooj siab nrog koj nyob
Yog wb sib ntsib hauv kev npau suav 
Cia ua chaw tshua California
Hauv kuv lub siab
Tsuas muaj koj xwb 
Cua tuaj ntxuj ntxiag kuv nco koj kawg
Cov lus hais tseg thov khaws cia mog
Kuv me Nkauj Hmoob puas nco kuv os
Nplooj siab yaj ntshis tseg tsis tau koj
Vim yog tshuav koj ua chaw dai siab
California tus neeg kuv hlub
Txoj kev sib hlub uas tau hais tseg
Puas yuav muaj tiag California

Txoj kev sib hlub uas tau hais tseg
Puas yuav muaj tiag California