Anbthine mór ar muig Lir
Author: [unknown]

1] Anbthine mór ar muig Lir
2] {a}{dána dara a h-ardimlibh}
3] at-racht gaeth, ran-goin gem garg
4] cu tét dar muir mórgelgarb§
5] dos-árraid ga garggemrid.§
6] Gním an muighi, mag Lir lór
7] ro lád sním ar ar sír-slógh;
8] écht mól cách§ ní lugu
9] cid as ingantu didú
10] in scél dírecra dímór?
11] Ó do- chuir§ in gaíth anair
12] menma tuinne tarcabair§
13] cu dúthracair§ dul torainn síar
14] cosin§ fót fris funenn grían
15] cosin§ glais-muir n-garg-lethain.
16] Ó do- chuir§ an gaeth atúaid
17] co dúthracair§ tuinn temen- crúaid
18] co m-bad fri domun an- des§
19] fri fithnem§ ro ferad tres
20] ró ésted fri elechdúain§
21] Ó do-chuir§ an gaíth aníar
22] dar in sáile§ srebach-dían
23] co dúthracair§ {folio 10ra} dul torainn sair
24] co crann n-gréine coros gaib§
25] i muir lethan lebur- chían
26] Ó dorala§ an gaíth andes
27] dar tír Saxan sgiathbras§
28] co m-benann tond Insi Scít§
29] dorair do charr§ Calathnít§
30] co m-brut luibnech líathanglas§
31] Is lán ler, is lomnán muir
32] is álaind inn ethar-bruig
33] ro lá curu in gáeth ganmech
34] im Inber na Dá Ainmech
35] is lúath luí re lethan-muir.
36] Ní sádail súan, sén§ garg saír
37] co m-bruthbúad, co m-barann-báigh
38] fordath eala forda- tuig§
39] mag mílach§ cona muintir
40] glúastar mong mná Manannáin§
41] Ra lá tonn (trén a trethan)
42] dar cach inber íarlethan
43] da-rócht§ gáeth, ran-goin gem gel
44] im Cend Tíre, im Tír n-Alban
45] silid drib lán slíabdreman§.
46] Mac Dé athar, adblib scor
47] rom-ain ar gráin garg- anfod!
48] Fíadu fírén na Flede
49] acht rom-ain ar anside§
50] ar h-iffirn co n-ardanfod.
Anphu mór.