Tréide cétna labratar iarna genemain (LL)
Author: [unknown]

p.272

14586] Cia tréde cétna-labrathar iarna genemain fó chétóir & cid ro
14587] labraiset? Ni h-annsa. Aí mac Olloman meic Delbaíth. &
14588] Morand mac Cairpri Chind Chaitt & Noinniu Noíbrethach. Is
14589] de chétus ro labrastar Óe macc Olloman .i. Baí Fiachu mac Delbaíth
14590] rí h-Érend for cuairt ríg & a bráthair 'na farrad .i. Ollam mac
14591] Delbaíth. Bátar laa and ic tomailt i n-Inis Tige i n-iarthur h-Érend
14592] .i. in rí Fiachu & a bráthair Ollom. Leth in tige oc cechtar de. A
14593] druí dano for bélaib ind ríg .i. Fiachach. Ó ro bátar oc tomailt a
14594] fessi, do-thaet athach gaethe móre tarsin tech conos-tarat uile i socht
14595] mór mét in delma. `Cid for-canas ind athach?' ar Fiachu frisin druid.
14596] `Iss ed for-canas', or in druí, `dán ingnad do thurcbáil i nh-Érind'.
14597] `Cinnas dána ón?' or in rí, `& cia ó n-genend & cia bale i n-genfe?'
14598] `Dán bas chom-gráid frit grád-so', ol in druí, `& bid is tig-seo genfes & bid
14599] ón mnaí út tall do bráthar genfes. Is torrach & béraid mac innossa
14600] & bid com-gráid frit-so. & ticfa grád amra aile and bas úasliu, dia
14601] fo-génat for n-gráda-si .i. grád ecalsi'.

14602] Ra fírad trá anísin. Ra génair in mac fo chétóir & ro thríall
14603] in rí a marbad in meic, coro thairmisc a athair .i. Ollam; ar níba
14604] lia in rí is taig andá-side. In tan ro bás ocond imrádud imme, co
14605] cualatar in mac oca rád: `Dom-urcbaid súas coro acilliur in ríg'.
14606] Turgabair súas iar sin. `Ní dam-sa dot inchaib, a Fiachrai', orse.
14607] `Cid do-bér duit?' ar

-----

p.273

in rí. `Ni h-andsa. Mo bruig, mo lánamain,
14608] lón-chore co n-dabaig dán-dlugæ, tucthar óm ríg mucra, escra, {folio 126b} cuach,
14609] carpat, calg, tricha bó, bró, fíann.Fiach ó Fiachna dam-sa in sin
14610] uile', ar in mac. `Do-bérthar', ar Fiachu. `Cia ainm regas arin mac-sa
14611] i fect-sa?' `Tabar Aí fair', ar in druí. Conid as-sain trá ro ainmniged
14612] aí airchetail .i. ó Aí mac Olloman. & is sí-sein aí ceta-érbairt Aí mac
14613] Olloman.

14614] Morand im mac Carpri Chind Chait, is de ro labrastar sede .i.
14615] ro marbtha lasin Corpre h-ísin cech sóer-chland ro boí i nh-Érind.
14616] Ar ba di athech-thuathaib h-Érend dó. & ro gab ríge nh-Érend ar
14617] écin. & rap olc a ríge, ar ní bíd acht óen-gránne i cind cecha dési
14618] & óen-gráinne a c-cind na cuslindi & oen-dircu i m-mulluch na darach
14619] ina ré. Ructha trí meic don Chairpriu h-ísin & ro bádidís leis fo {BL diplomatic page 470} chétóir; ar ba dóig ropdís torathair, fo bíthin no bítis a cathbairr
14620] fó cennaib. In tres mac rucad dó .i. Morand, ro thriall in cétna
14621] do dénam fris .i. a bádud. Ro h-erbad dá óclach leis da chur i
14622] m-beolu na tuinne. Ó ro láiset úadib é i tuind mara, brissis in tond
14623] in cathbarr & tócbaid in tond úasa in mac, co n-accatar a gnúis
14624] for barr na tuinne. Is and as-bert-som: `Garg bé tond', ar in mac.
14625] Fo-lengat chuce na ócláig & do-fócbat súas. `Nacham-turcbaid', ar
14626] seseom, `úar bé gáeth'. `Cid do-génam din mac-sa?' ar in dara fer.
14627] `Do-génam', ar in fer aile, `fácbam é i téig ar beind chloche i n-dorus
14628] tige na cerda .i. Máen a ainm-side, cerd in ríg. & cométam in mac,
14629] dús in lessaigfe in cerd é'. Ó do-chuaid-side assa thig, co n-acca in
14630] mac isin téig & nom-beir leis isin tech. `Fursain caindel, a ben', ar
14631] se, `co n-acther in fríthi-sea fuarusa'. Tucad cucu iar sin caindel.
14632] Conid and at-bert Morand: `Solus bé caindell'. Ro alt in mac la
14633] Moen iar sin for seilb féin. Ro-fetatar im na óclaíg út narbo
14634] les-seom in mac.

14635] Fecht and iarum do-lluid Carpre do ól lenna do thig Moín. In
14636] tráth rop ániu dóib oc ól, luid in mac as cach ucht i n-araile, co
14637] n-dechaid i n-ucht Chairpri. `Ro maínigther in gein', ar Carpre,
14638] `cóich in mac-sa?', la osnaid móir do chur.

-----

p.274

Fo-cheird dana a máthair
14639] in meic .i. ben Charpri osnaid aile. `Cid i táid?' ar Móen. `In format
14640] no far-geib? Cid inmain lem-sa in mac & cid mac dam, ropad ferr
14641] lem combad lib-si é ara mét far seirce lim & ara riachtain a lessa
14642] dúib'. `Ni tharla trá aní h-ísin dúinni', ar Carpre. `Maith ém, a
14643] Chorpri', ar in dias óclach út. `ropad maith a lúag neich do-bérad
14644] duit mac amlaid'. `Ropad maith im', ar Carpre `ro béraind a
14645] chomthrom de argut dara chend & ropad trian de ór. Acht ní
14646] tarba a rád, ar is erlabra dímaín a n-do-gníd'. `Amal bid oca no
14647] bemmís', ar na ócláech, `fo- naiscther fort-so'. Fo-naiscther fair. Ó ro
14648] naidmed fair, fo-lengat na óclaíg cuce co tucsat in mac ina ucht &
14649] coro dílsigset dó. `Is é in mac-sa rucsam uait dia bádud
14650] & iss ed-so da-rónsam de'. `Is fír uile', ar in cerd. Is de-sin trá ro
14651] baí mac Maín fair-seom. & it é-sin teóra briathra tóesecha ro
14652] ráid Morand iarna genemain fo chétóir .i. `Garg bé tond. Úar bé gáeth. Solus bé caindel'.
14653] Gabais trá Morand ard-brithemnacht h-Érend iar sin. & ba
14654] marb a athair-seom .i. Cairpre. & ro faíd-seom a mac co Feradach
14655] Find Fechtnach i crích n-Alban dia thócuriud i r-ríge nh-Érend. Ar
14656] ro theich-side ria Corpriu dar muir innund arna ro marbtha leiss. Co
14657] tánic-side fó gairm-seom & co r-ragab ardríge h-Érend. Ocus Morand
14658] i n-ard-brithemnacht h-Érend. &[gap: MS lacuna]