Mî mèder

La schèlda un pô d lât
la s métt a bruntlèr,
Brunetto, só, sdassdet!
T î sänpr in ritèrd!

Mé a n sò té duv et vè,
la nòt a sfrunblèr
al tåcc al sunèva,
e t an êr brîsa a lèt!

Mé, a n sån bsa curiåusa,
Brunetto! ... par chès,
èt, mò, una ragâza,
dîm só... da spusèr?

Mé a sån stra äl dåu zâp,
e té, ...al mî zuvnòt,
t vè vêrs i quaranta,
o êni ...träntòt?

A t vói dîr, fiôl mî,
ch'am frólla un pensîr,
mé... a vrê fèr la nòna,
sèt? ...prémma ed murîr!

Oh, mèder bandatta,
a n t pòs brîsa dîr,
che a vrê par mujêr...
al fiôl dal barbîr!