Arteriosclerôsi  

Stamaténna int al giurnèl
ai ò lèt una nutézzia
ch'la dscårr d mé, mo in un môd tèl
da rinpîrm al côr d mestézzia.  

Mo parché ste giurnaléssta
l èl ciapè pròpri con mé?
An s pôl dîr ch'séppa una svéssta:
al mî nómm l é pròpri acsé.  

Però, st òmen l é un busèder
e mé quasst a l pòs bän dîr...
ah, mo bòja d un månnd lèder,
prèst o tèrd s à da pentîr!  

A v dégg sóbbit quall ch'l à scrétt, 
s'ai ò tôrt, giudichè vó.
Mé arê fât... nå, dsfât... o détt...
Åu, ragâz, a n m l arcôrd pió!