La cusèina    
Autore: Francesco Gabellini  



 
 

Parchè a so nèd at sta cusèina
sôtta ‘na lampadèina da sènta candele
adés a cur tótt i mi mèl
rusgànd ‘na crosta ‘d pèn a moldapèina
ciamànd par nom sèmpra cal quatre stèle.

Mò a vègh a lus te fiél dla nòta
a gl’òse d’una mèna fata ‘d sas
ch’l’à las sguilè e’ grèn tla tèra.

Sèmpra cumpagne cumè stèle
garnèle fiòle dla prima fòia
a sì la vòia ad luminè e’ nov
se chént che prima dl’òm e’ fèva al c-ghèle.

Fèrid ad tótt al guère um cunsòla
tnì da còunt la schègia d’na stèla
ch’l’è morta e te camnì
di prim respir mòv l’aria.



LA CUCINA

Perché sono nato in questa cucina
sotto una lampadina da sessanta candele
ora curo tutti i miei mali
rosicchiando appena una crosta di pane
chiamando per nome sempre quelle quattro stelle.

Ma vedo brillare nel fiele della notte
le ossa di una mano fatta di sasso
che ha lasciato scivolare il grano nella terra.

Sempre uguali come stelle
granelli figli della prima foglia
siete la voglia di nominare il nuovo
col canto che prima dell’uomo facevan le cicale.

Ferito di tutte le guerre mi consola
conservare il frammento di una stella
ch’è morta e nel camminare
dei primi respiri muovere l’aria.