Ghjuvanghjaseppiu FRANCHI

 

Casata: FRANCHI
Nome: Ghjuvanghjaseppiu

 

Opere publicate
In a rivista literaria RIGIRU
Numeru 2-3-4-6-7-8-9

Strattu
MUNTAGNA

Era una muntagna maiò, scarpillinata di parolle vechje.
Era una muntagna svirghjinata da l'amori antichi...
Era Muntagna penetrata.

À e ceppe cunnisciute s'aghjumillava u sole lenu chì fiuccava da l'albori custodii; 
Ed era luce chì rispirava: ticca, ticca, ticca... è saltichjava, diavulella, addossu à e barrette incalfate. Buciartule di luce chì li piacia à ghjucassi cù u nostru sonnu infrascatu;
Cusì hè a luce farfalla di e muntagne manse...

 

RIGIRU nu 9, lugliu 1977