Son al Leur nevez






Ma zud oa aet d'al leur neve;
Ha me d'ho heul d'ar fest ive!

_ Son, kloc'h Nizon,
Son, son,
Son, kloc'h Nizon,
Son, son!

D'al leur ne' oant aet d'ar maner,
Fae vi'e bet ganin chom er gźr!

Son, kloc'h Nizon, hag all

Paotred eno ne vanke ket,
Na merc'hed koant, - o! - kenneubet.

Tridal a rae ma c'halon
O klevout ar sonerien 'son.

Pa welis ur plac'h o tańsal,
Ken drant evel un durzhunal;

He daoulagad evel glizhin
War ar bleuń spern-gwenn, da vintin,

Hag i ker glas evel bleuń lin;
He dent ker kaer evel mein fin;

Hag neuz ken drant ha ker laouen:
Hag hi mont da sellet outi,
Ha me mont goude d'he fediń,

D'he fediń 'vit ur jabadaou,
Ha ni war an dachenn hon-daou!

Tra ma oamp gant an abadenn,
Me 'waske war he dornig gwenn;

Hag hi c'hoarzhin, c'hoarzhin ken dous,
Hag un ael eus ar baradouz;

Ha me mont da c'hoarzhin outi;
Ha ne garan mui nemeti.

Me 'yelo d'he gwelet henoazh,
Ur voulouz ganin, hag ur groaz;

Ur voulouzenn du hag he c'hroaz,
Prenet e foar Sant Nikolaz,

Sant Nikolaz, hor patron bras,
A vo brav war he gougig noazh;

Hag ouzhpenn, ur walenn argant
Da lakat war he bizig koant.

Da lakat warnań da vizoł,
Ma sońjo ennon wechigoł.

O tont en-dro a di ma dous,
Degoue'et ganin 'r c'hemener kouzh;

Ar c'hemener em eus kavet,
Hag ar son-mań en deus savet.

_ Son, kloc'h Nizon,
Son, son,
Son, kloc'h Nizon,
Son, son!