SALM 1 
Evurus an den reizh 
1 
Evurus an den
ha n'a ket e kuzul ar re fallakr
war hent ar bec'herion n'en em zalc'h ket
e chomlec'h ar c'hoaperion n'azez ket
2 
met el lezenn an Aotrou en em blij
en e lezenn e prederia deiz ha noz
3 
Bez' e vo evel ur wezenn
plantet war redennoł-dour :
he frouezh a zo e koulz
hag e delioł ne wenwont ket.
Evel-se kement a ra a zeu a-benn.
4 
N'eo ket evel-se ar re fallakr,
met evel plouz a vount en avel.
5 
Setu perak ne zalc'ho ket ar re fall er varn,
nag ar bec'herion e kuzul an dud reizh.
6 
Rak anaout a ra an Aotrou hent an dud reizh,
met hent ar re fall a ya da goll