Gwreg ar C'Hroazour











"Keit e vin er brezel 'lec'h eo ret din monet,

Da biv e roin-me ma dousig da viret?"

"Degaset-hi d'am zi, va breur-kaer, mar keret,

Me he lakay er gambr gant va dimezelled;



Me he lakay er gambr gant va dimezelled;

Pe 'barzh ar sal enor gant an itronezed.

En un hevelep pod e vo graet de o boued,

Ouzh an hevelep taol e vezint azezet."



"Benn un nebeud goude kaer 'vije da welet

Porzh maner ar Faoued leun a dudjentiled;

Pep a groaz war o skoaz, pep a varc'h, a vanniel,

Evit klask an aotrou da vonet d'ar brezel.



Ne oa ket aet pell-meur er-manez demeus an ti,

Pa voe laret d'e wreg kalz a brezegoł kri:

"Diwisket ho prozh ruz, hag unan wenn gwisket,

Ret eo monet d'al lann da beuriń al loened."



"Ho tigarez, va breur, petra am eus-me graet?

Me n'emaon bet biskoazh o peuriń an deńved."

"Ma n'emaoc'h bet biskoazh o peuriń an deńved,

Amań 'zo ma ma goaf hir a zesko deoc'h monet."



Bet eo e-pad seizh vloaz, ne rae nemet gouelań;

En diwezh ar seizh vloaz 'n em lakaas da ganań.

Hag ur marc'heg yaouank o tont eus an arme

A glevas ur vouezh dous 'kanań war an mene.



"Harz, va floc'hig bihan, krog e brid va marc'h-me;

Me 'glev ur vouezh argant 'kanań war an mene;

Me 'glev ur vouezh flour war an mene 'kanań;

Hiviz ez eus seizh vloaz he c'hlevis diwezhań.



_ Demat a laran deoc'h, plac'h yaouank ar mene,

Ha merniet mat heoc'h eus pa ganet ken gae-se?"

"Ya, merniet mat am eus, a drugarez Doue!

Gant un tamm bara sec'h am eus debret ame."



"Leret din, plac'hig koant o peuriń an deńved,

Hag-eń er mane-se 'c'hallfen bout kemeret?"

"O! ya sur, ma aotrou, degemer a gevfet

Hag ur marchosi kaer da lakat ho rońsed.



Ur gwele mat a blunń ho pezo da gousket

Eveldon-me gwechall pa oan gant ma fried;

Ne gousken ket neuze er c'hraou gant al loened,

Nag e skudell ar c'hi ne vize graet ma boued."



"Pelec'h eta, ma merc'h, pelec'h 'mań ho pried,

Pa welan en ho torn liamm eus ho eured?"

"Ma fried, va aotrou, a zo aet d'an arme;

Blev melen hir en doa, melen evel ho re."



"Ma en doa blev melen kerkoulz eveldon-me,

Laket evezh, va merc'h, na vije me a ve?"

"Ya, me eo hoc'h itron, ho tous hag ho pried,

ma ano 'zo, e gwin, Itron eus ar Faoued."



"Lezet al loened-se ma yefemp d'ar maner,

Mall a zo ganin da erruout er gźr.

- Eurvad dit-te, va breur, eurvad dit a laran,

Penaos 'ya ma fried am boa laosket amań?"



"Azezet-hu, va breur kadarn ha koant bepred!

Aet eo da Gemperle gant an Itronezed,

Aet eo da Gemperle e-lec'h ma zo eured,

Pa zistroio d'ar gźr amań e vo kavet."



"Gaou a lerez din-me! rak te 'c'h eus ha c'haset

Evel ur glaskerez da beuriń al loened;

Gaou a lerez din-me e-kreiz da zaoulagad,

Rak emań 'dreńv an nor, aze, oc'h huanad!



Tec'h du-se gant ar vezh! Tec'h kuit, breur milliget!

Karget eo da galon a zroug hag a bec'hed!

Ma ne ve ti ma mamm, ma ne ve ti ma zad,

Me 'lakafe va c'hleńv da ruziań gant da wad!"







"merniet": merennet 
"hanad": e teir silabenn