Gwrac'h Ahez






Erru Gwrac'h Ahez en hor bro, 
Kasomp mein bras war an hencho. 

Kasomp mein bras ha mein bihan War an hent bras e-kreiz al lann. 

An erer du, an erer glas
Zo en dachenn o c'hoari vazh
Hag an den kozh a lavare
En e goasez war Venez Bre :
"Gwell ar gernez hag ar vosenn
Evit ar Wrac'h en hor c'hichen,
Gwell a ve brezel ha marv
'Vit Gwrac'h Ahez 'n hon douaro.
'Ma- Gwrac'h Ahez e penn al lann,
Honnezh ne zeu ket hec'h-unan.
Tavanteien a zo ganti
Ha kezeg gwenn ouzh he c'hirri,
Hag ar gernez, gwenn 'vel an erc'h,
War gein un heizez 'zeu war lec'h.
Ar Brezel gwall, ar Brezel taer
A zeu war-lec'h gant an erer,
Gant ar bleizi, gant ar brini,
'Zeu da glask kig tud da zebri-.
Ar Vosenn du, ar Vosenn wenn
A zeu war-lec'h en ur c'harr prenn.
En ur c'harr prenn o wigourat,
An Ankou treut o charreat.
War-lec'h honnezh ne welan ket
Ne welan den war ar blasenn,
Ne welan den 'met ar gwez bras
O kreski- war an douar noazh."


Kasomp mein bras ha mein bihan
War an hent bras e-kreiz al lann.