An Erminig






An delioù 'zigor en dero

Kent evit digeriñ er fav;

Bleiz a c'hed an taro...


Osa! skes! skes!

Osa! skes! skes!


Bleiz a c'hed an taro:

Eus dek, mervel a ray nav.



Yann an tarv, ha Gwilhaou ar bleiz

A zo daou gilhern, war va feiz:

Laou en aod 'zo 'c'hedal,


Osa! skes! skes!

Osa! skes! skes!


Laou en aod 'zo 'c'hedal,

Yannig o tont o neuial.



"Mar deo bevin fresk a glasket;

Evit an deiz n'ho pezo ket;

'Met kerniel hir lemmet,


Osa! skes! skes!

Osa! skes! skes!


'Met kerniel hir lemmet,

D'ho tivouellañ, mar keret."



Katellig fur, a, erminig

A c'hoarzhe a-rez he zoullig:

"Sellet peger soublik


Osa! skes! skes!

Osa! skes! skes!


"Sellet peger soublik

C'Hoari Gwilhaou penntoullig,



Gwilhaou penntoullig a c'hoari,

Paourig! war vegig kerniel kri:

Me 'gave din oa gwell...


Osa! skes! skes!

Osa! skes! skes!


Me 'gave din oa gwell...

Gwell da zent 'vit e gerniel."



Yann 'ya d'an traoñ, Yann 'ya d'an nec'h:

"Ai 'ta! dao, Gwilhaou, war e lerc'h!

Difraezh 'vi evitañ,


Osa! skes! skes!

Osa! skes! skes!


Difraezh 'vi evitañ,

Skuizh eo, kamm eo; te 'zo skañv!"



Skuizhet a-walc'h emañ ganin;

Bremaïk e reizhïoniñ!"

"Ao! ao! Yann ar Saoz, tec'h!


Osa! skes! skes!

Osa! skes! skes!


"Ao! ao! Yann ar Saoz, tec'h!

'Mañ an diaoul bras war da lerc'h!"



Pradoù o deus-int tremenet,

Poazhañ ar geot i o deus graet;

Parkoù 'deus-int treuzet,


Osa! skes! skes!

Osa! skes! skes!


Parkoù 'deus-int treuzet,

Ne c'hreunio na kerc'h nag ed.



Ne vroñso gwez el liorzhao;

Pikous ar bleuñ, 'vel gant ar glao.

Me 'garfe, 'm gwirione,


Osa! skes! skes!

Osa! skes! skes!


Me 'garfe, 'm gwirione,

'N em dagfent 'n eil egile!








"kilhenn": tabuter, emganner 
"difraezh": hep poan 
"vi evitañ": bezañ evit u.b. = bezañ gouest da zont a-benn eus u.b. 
"reizhïoniñ": lakaat da vezañ reizh, da blegañ 
"liorzhao": liorzhoù, o kenglotañ gant glao 
"'m gwirione": em gwirionez