Ar Chouanted






Er re gozh hag er merc'hed hag er baotred vihan,

Hag er re ne nint ket gouest de vonet d'en emgann,

A laro en o zîer, a-barzh mont de gousket,

Ur pater hag un ave evit er Chouanted.



Er Chouanted zou tud vat, i zou gwir grechenion,

Savet de zifenn hun bro koulz el hun beleion;

Mar skoont ār tal hou tour, m'hou ped, digouret de:

Doue else, me zud vat, 'digoray deoc'h un de.



Julian blev-ruz a lare d'e vamm-gozh ur mitin:

"Me 'ya-me get Tinteniag, rak monet a blij dein."

"De deu vrer' deus me laosket, ha te me laosk ive!

Mes mar plij dit de vonet, ra de renay Doue!"



Pa zeue er c'haouanted, eus a bop korn a Vreizh,

A Dreger hag a Gernev, hag a Wened e-leizh,

Er Re c'hlas 'degouezh gete, e maner Koatlogen,

Eus a gostezieu Bro-C'Hall, tri mil en ur vandenn.



"Chetu en eur e sonein, chetu en eur sonet,

Ma emgavfemp, ur wec'h c'hoazh, get er c'hozh soudarded,

Bec'h arnoc'h, paotred a Vreizh, bec'h arnoc'h, ha gwelemp!

Mar 'maņ 'n Diaoul en tu gete, 'maņ Doue en tu genemp!"



Ha pe oant deut de grogein, eņ 'darc'he el un o'ac'h;

Gete bop a fuzuilh vat, gantaņ 'meit e benn-bazh,

E benn-bazh, hag e chapeled eus a Santez-Anna,

Ha kement a dosteie a oa pilet getaņ.



Ha toullet-kaer oa e dog, ha toullet e chupenn,

Ha loud ag e vlev troc'het get un taol a sabrenn,

Hag er gwad a zivere demeus toull e goste;

Ha n'arsave e tarc'hout, hag oc'hpenn e kane.



Ken n'hen gwelis ket mui tamm, hag e welis en-dro,

Hag eņ tennet a-gostez dindan ur wenn dero,

E ouilein leiz e galon, chouket getoņ e benn,

En eutreu Tinteniag peur a-dreuz ār e varlenn.



Ha p'achiue en emgann ar-dro en nozeozh,

Chouanted a zidoste, re yaouank ha re gozh,

Hag a denne ou zokeu, hag a lare 'else:

"Chetu 'maņ goneet genemp, hag eņ, siwazh! marv eo!"