Xosé Caveda y Nava 
(1796-1882)

La vida de l'aldea



****************


Naciera en Villaviciosa en 1796. A lo llargo de la vida desempeñó varios 
cargos d'importancia n'alministración del Estáu, como destacáu miembru 
Iliberal. Tamién se dedicó a estudiar aspectos de la cultura asturiana 
inaugurando ente nós los estudios modernos de disciplines como la 
Ilingüística, la lliteratura, la historia del arte y otres munches. En 1839 
publicó'1 primer llibru n'asturianu, la Colección de poesias en dialecto 
asturtano, recoyendo la obra d'autores de los sieglos XVII y XVIII, amás de 
dalgunes propies. Morrió en Xixón en 1882. La so obra poética influyó na 
producción lliteraria de los autores del sieglu XIX y de la primer mitá del 
XX, igual nos poetes que nos narradores.


Calce zapatos, xinte con manteles,
comia en vez de boroña pan d'escanda, 
asiéntase en escaños, no en tayueles, 
el señorón que na ciodá nos manda, 
y en sos tierres, so casa y sos llebreles 
fuélguese en paz y d'una al otra banda 
mande conceyos, faga munchu ruidu, 
si para tantu arrullu fo escoídu. 
Y non dormia; y rodíau de señores 
ande de romería en romería 
perdíu entre comíes y entre amores; 
y cuandu el rei lu llame y tiempu sía 
d'obedecer el son de los tambores, 
vaya armáu a la guerra, y Ilarga vía 
tope nella a la fama y la riqueza, 
y volvia llevantada la cabeza. 
Que yo entre los mios fíos sosegáu, 
si la lleche y boroña non me falta 
y tengo al Ilar el pucherín tresnáu, 
y la manada pelos campos salta 
alegre y farta, y paz el mio ganáu 
les yerbes de san Xuan, ciertu más alta 
fortuna non pretendo nin quixera 
que otra suerte meyor la mía fuera. 
Y pa qué desear sea Ilabrada, 
escudielles de plata, muncha xente 
que me faga al pasar la bonetada, 
y mandar el Ilugar y ser rexente 
y capitán a guerra, y la rodiada 
de mio sólu falar, tener pendiente, 
si e que lo tó llograr siempre asustáu 
con ayenos cuidaos afogáu? 
Só probe, ye verdá, pero non tengo 
quien estorvisa ponga a mio dormida, 
nin cuandu al eru salgo o d'illi vengo 
me sopelexa naide; nin la vida 
trayo en continos sustos, nin prevengo 
con alma ruin y la intención torcía 
peligros, trampes, la malicia ayena 
que da en vez de contentu, sustu y pena. 
Mande Xuan, mande Peru, qué cuidáu? 
Quiéranme la muyer y los mios fíos, 
col mio sudor alcancen un bocáu, 
que podia yo cuidar los armentíos, 
agarrar la fesoria y el aráu 
sin temer los calores nin los fríos, 
y bon provechu faga a los señores 
la ciudá, la riqueza y los honores. 
Cuandu de la llabor con sustu y pena, 
fartu de trabayar, pero contentu, 
volvio pa casa a esmorullar la cena, 
anque con bones ganes, non famientu, 
nin la conduta propia ni 1a ayena 
vienen entós a dame sentimientu: 
siéntome xuntu al fuebu, y la reciella 
axúntase al olor de la escudiella. 
Llevántase en el llar la fogarada 
que fai la Ileña seca de carbayu; 
afumen les fariñes; currucada 
Tuxa col cuyarón cabu el mio tayu, 
reparte a cada cual la so platada, 
y mirándome en tientes y al soslayu 
convidame dempués cola cuayada: 
doi a los ñeños, como lo que quiero, 
y a Dios que me lo dio, rezo primero. 
Ya fartuca la xente y placentera 
con ixuxús atruena la cocina: 
Tuxa ponse alegre y gayaspera; 
reblinca el pequeñín, canta Xuanina 
c l galán d'esta villa a so manera, 
y yo enriestro panoyes entretantu, 
atentu a los trebeyos y al so cantu. 
Mas cuando ya va Ilarga la velada 
y el pigazu me diz que non ye aína, 
pela mano de Tuxa solliviada 
esmúzome na cama fresquillina. 
D'ellí, baxu la manta colorada, 
oyo ruxir el vientu na colina, 
dar bramíos al mar alborotáu 
y la lluvia correr pel mio teyáu. 
;Qué gustu atapadín y en sin cuidaos, 
pensar entós en probes caminantes 
pelos montes perdíos y moyaos; 
o acordase d'aquellos ñavegantes 
que entre vientos y peñes azotaos 
sin saber ónde van, ciegos, errantes, 
cuerren les tempestaes pelos mares, 
mientres seguru estoi enos mios llares! 
Estes coses pensando de pasada, 
quiciás cansáu de cavar tapinos, 
al sueñu más sabrosu dan entrada. 
Duermo, y cuandu amanez, los paxarinos, 
puestos en figar de la corrada 
empezando a facer gorgolitinos, 
dispierténme contentu y gayasperu 
con ganes de Ilabrar y dir al eru. 
¿Qué gustu, qué gociar puee igualase 
al que me ofrez entós la mio quintana? 
Allá mui Iloñe empieza a llevantase 
I00 tres los montes el sol, tiñendo en grana 
les flores y los praos: agrandase 
pocu a pocu se ve y ena fontana 
seliquín se retrata, y los semaos 
na so apacible Iluz dexa bañaos. 
I05 Les flores del rocíu salpicaes, 
en blancu y roxu y en azul teñíes 
y de sos rayos d'oro matizaes, 
parez que tan de pelres revestíes; 
imaxen de Ilivianes mocedaes, 
IIO y como elles sabroses y cumplíes, 
encantu y gustu son del que les mira, 
y el so meláu olor quiciás respira. 
Gústolu yo Iranquilu y sosegáu, 
en tantu que baxando a 1a fontana 
bebe sos agües pures el ganáu 
antes que les caliente la mañana. 
Corre dempués a fartucase al prau; 
véolu yo pacer de bona gana, 
y les oveyes reblincar llozanes, 
y animase col día les quintanes. 
Que ya atruenen el monte y carbayeres 
el chirríu del carru y los cantares 
de los mozos que van a sos quehaceres: 
ya tempranín dexando los llugares 
cuerren a derramase peles eres; 
ya afumen a lo Iloñe los fogares; 
ya asoma el rapacín con so manada, 
col xiblatu tocando una sonada. 
Mui seliquín respuende-i la montaña. 
con suaviquina voz mediu apagada. 
Y ena fuente que cuerre pela braña, 
onde llaven les moces la colada, 
ruxe la griesca, empieza la mañana, 
la xente ta contenta y ocupada, 
135 y tou e movimientu y alegría, 
desque ñaz fasta que muerre el día. 
Un fresquillín que cuerre na campaña, 
en perfumes de trébol empapáu 
y madreselves, mio semblante baña 
140 y pal trabayu déxame folgáu. 
Piesco entós la fesoria o la guadaña; 
arriendo, sallo, siego o col aráu 
detrás de los mios gües Ilabro les eres 
o compongo les sebies y boleres. 
I45 Y non la tierra al mio sudor se ñega: 
acá produz panoyes, allá espigues; 
cueyo fabes equí; dame una siega 
de yerba n'otra parte, sin ortigues, 
y a la bona cebera siempre allega 
castañes y panizu pales migues, 
y prunos y cerezes y manzanes, 
ñueces, y figos, ñisos, y avellanes. 
EI que non vio quiciás llegar a casa 
el carru colos frutos de la tierra, 
y cómo el tiempu en recoyelos pasa, 
y el gustu que produz puru y sin tasa, 
enhorabuena fale de la guerra, 
y envidie los palacios, los honores 
y el arrullu que gasten los señores. 
Más quiero yo asistir a una coída 
y llenar per mio mano dos macones; 
más quiero ver la xente entretenía 
axuntar les espigues en montones, 
peles eres ellí y equí esparcía, 
y escuchar el so cantu y sos razones, 
que asistir a les fiestes palacianes 
por alegres que sean y galanes. 
Y más mil veces y otres mil m'agrada 
dempués de tou el frutu recoyíu 
con ella reblincar so la enramada, 
achar un ixuxú com'un troníu 
que dexe la quintana solliviada; 
y al que atropás un horru da-i cumplíu 
el bollu y el torrendu de costumbre, 
que veme del poder ena alta cumbre. 
Ñunca me ñegue a Dios en isti día 
apurrir a los mozos y a los vieyos 
los figos y la Ileche y la rosquía, 
folgándome con Tuxa en sos trebeyos. 
Nin Falten corredores que a pórfía, 
al llegar sudorientos a los teyos, 
ganen ena carrera la cuayada, 
al que más diestru sía destinada. 
Como llozanos potros desbocaos, 
que el vientu corten sin tocar l'arena, 
unos tres d'otros van precipitaos; 
el pechu francu, suelta la melena; 
los brazos fasta el codu arremangaos, 
del triunfu y la esperanza 1'alma llena, 
sin zapatos, sin calcies, sin ropía 
más Ilixeros que cuhete en romería. 
Ñube de polvu entoncies se llevanta, 
y nella envueltu el mozu que ya espera 
con fartu empeñu y con lliviana planta 
el términu tocar de so carrera, 
cede y s'atrasa al otru que se llanta 
metanos xuntu a él y lu supera 
en piernes y alientos, y la grita 
y les palmaes del que mira escita. 
Y allega más forzúu y más arteru, 
sudorientu, llivianu, espolvoriáu, 
a tocar enos teyos el primeru; 
y ellí mismo por toos declaráu 
ye el rei de la coída, y gayasperu 
recibe de les manes d'una ñeña 
del vencimientu la esperada enseña. 
La nueche de los montes descolgada 
y a los valles más fondos estendida, 
dexa ansina la griesca terminada. 
Vase la xente: farta y divertida 
con ixuxús atruena la encañada, 
y allá mui Iloñe ruxe repetía 
la grita de los mozos entre peñes, 
que van llevar a casa les sos ñeñes. 
¡Gustosu disfrutar! ¡Que Dios non quiera 
acabes ñunca para min! Primeru 
falten ftores al prau en primavera, 
por san Xuan haya xelos, y en xineru 
derritian los calores la mollera. 
Pos yo nin más fortuna y diches quiero 
que en paz vivir conmigo y Ios vecinos 
y criar para Dios los mios ñeñinos.