Fernán Coronas 
(1884-1939)

QUEIXÚME DEL ESBA


*****************


A Don Vicente Trelles na siguranza de ,ralilucle.

Rigu Esba, rigu Esba,
L'augua túa nun ya pouca,
Peru tú cuasi nun cantas
Ya la voz traisla bien rouca!
Anque you nun sou de llonxe
Rendiu ya afanandu vengu,
Que fay xa sieglus que corru
Ya encima gran pena tengu.
Duelme el ver que la tierrina
Se fay cada vez mas mala,
Ya de las mis mocedades
Nu-i queda güey nin la fala.
Días lus días de entoncies!
Homes lus homes d'antanu!
Falaxe el que ellus falaban,
Todu dafeitu asturianu!
Güey que cruciu estrañu suelu
Mueiru de malencolías:
Au tan lus mieus asturianus?
Au tan las Esturias mías?
L'augüina mía chorosa
En sin gracia pa cantare,
Vei triste ya amargurida
Cumu `l corazón del mare!...