Gedigte van Hulde Blyk







HULDEBLYK AAN ESTELLE HAUPT
Namens die VLU Lede van Randburg
So het ons haar geken en gesien
Altyd bereid ten spyte van haar swak
gesondheid om haar medemens te dien
Sy het ver bo haar vermoëns uitgestyg
En het nooit waar sy kon help geswyg
Op soveel verskillende gebiede het sy 
Haar plek volgestaan sonder selfverheffing
of eiewaan
Die welbekende glimlaggies so spontaan
Met almal gedeel dit sal ons diep in ons harte verseël
Met haar vrolike musiek het sy vele bedruktes opgewek
En altyd 'n vriendskapshand na hul gestrek
Soos 'n brose vlinder het sy tussen ons beweeg
En is haar plek nou vir ewig leeg
Nooit sal ons haar ooit vergeet
Want te sterk was haar persoonlikheid
waaraan ons haar kon meet
Ons bid vir haar hele gesin
Mag God troos en vrede in hul harte bring
Daar het vir ons oorgebly herinneringe van suiwer goud
'n Voorbeeld van ware liefde aan jonk en oud
Ons groet jou dierbare vriendin
Ons het jou gewis teer bemin.