RANDBURG VLU 40 JAAR
Liefdevolle Heer ons wil aan u bring al die lof en dank
Dat u ons so wonderlik onderskraag het vir veertig jaar lank
U het ons by die hand geneem
En opgelos elke onoorkomelike probleem
Wanneer ons oor ver vergange jare terugblik
Is daar soveel goue herinneringe wat ons uit ons geheue pluk
Heer ons wil ook hulde aan hul bring
Wat saam met ons gewerk het in Randburg VLU kring
Dankie vir wat hul vir ons beteken het
Ons het gewis deur die jare daarop gelet
As ons om ons kyk na 'n wêreld so wreed en ru
Laat ons nooit vergeet hoe groot is u
U deurgrond ons en ondersoek elke gedagte woord en daad
U lei en voorsien ons van U goddelike raad
Maak ons waardig om u kinders te wees
En versterk ons elke dag deur u Heilige Gees
Maak ons ook ten alle tye behulpsaam teenoor ons medemens
Om daardeur uit te voer U goddelike wens
Gee ons die liefde in ons harte om mekaar in nood en angs te onderskraag
En laat ons nooit ons voet alleen op die ruwe pad waag
Leer ons Heer om vergewensgesind te wees teenoor mekaar
En gee ons genade om 'n opregte verskoning te kan aanvaar
Ons strewe is kennis op elke terrein
Gee dat ons ywer daarvoor nooit mag kwyn
U het ons VLU Lede met soveel vaardigheid op elke gebied geseën
Wil U ook in die verre toekoms U hulp en leiding aan ons verleen
Mag ons nooit in onsself roem
Maar altyd eerste u naam noem
Verhoed dat ons die sedes en vaste beginsels van ons voorouers
voor die wind strooi
En daardeur die aardsvyand val ten prooi
Ons dank U vir soveel hegte vriendskapsbande oor die jare heen gesmee
Laat niemand ooit die diep getrapte spore daarvan uitvee
Dankie Heer dat ons altyd na U kan opsien
Help ons om u opreg en getrou te dien
Dankie Heer vir wat ons in hierdie veertig jaar kon vermag
Seën ons op hierdie vreugdevolle dag
Heer, wees nou hier met ons saam
Ons vra dit in U heilige naam
Amen.